أكد تركي ال الشيخ على صفحته الشخصية أنه سعيد جدا بالنجاح اللي عمله برنامج إبراهيم فايق في mbc في وقت قصير جدا.. وده دليل ان الناس بتحب الحاجة الحلوة النضيفة اللي بتجمعهم بعيدا عن التريندالغير هادف.
وكتب :"علاقتي بإبراهيم ممتدة من سنين وفكرة البرنامج كانت هتنطلق من أكتر من ٥ سنوات.. إبراهيم عيني عليه وعلى موهبته من وقت ظهوره في DMC وكنت عارف إن عنده كتير وجه الوقت اللي نستفيد منه لتقديم إعلام رياضي هادف محترم".
وواصل :"وصيتي لفايق كانت واضحة من لحظة اتفاقنا أنه يقدم إعلاما يقرب وجهات النظر ويمنح مساحات للآراء المختلفة باحترام وتقديم خدمة ممتعة لكل بيت مصري وعربي".
وشدد :"قريبا ومن يوم الجمعة تحديدا هتشوفوا فورمات برنامج رياضي مختلف وجديد ومبهر.. اشتغلت على أفكاره وتفاصيله مع فايق في أمريكا".
وأضاف :" وقريبا برضه البرنامج هيستضيف أهم وأبرز النجوم العالميين.. استعدوا للمفاجآت ".
إرسال تعليق