أحمد ياسر : بيراميدز مش هيأخذ الدوري وأنا أفضل من كهربا والشحات | Mbc Masr
أطلق أحمد ياسر لاعب التحدي الليبي الحالي والمصري البورسعيدي السابق عدة تصريحات نارية خلال تواجده مع الإعلامي مهيب عبدالهادي علي شاشة قناة Mbc Masr.
وأكد أحمد ياسر :" أنا أجمد وأحسن طبعا من حسين الشحات ومحمود كهربا ومصطفى شلبي وما فيش مقارنة أساسا ".
وواصل :" إمام عاشور طبعا أحسن مني، وما ينفعش أتحط في مقارنة مع شيكابالا وعبد الله السعيد لأن دول أساطير كبار لا يمكن المقارنة معهم "
وشدد :"محمد صلاح أهم وأفضل لاعب في تاريخ مصر ما يتحطش في مقارنة مع حد ولازم يتعمل تمثال لصلاح لأنه شرف للمصريين وكل العرب ".
وقال لاعب التحدي الليبي :" الدوري في الآخر للأهلي، والله العظيم بيراميدز مش هياخد الدوري، هو مش متصدر وفارق أهه، بس ابقى قابلني لو خد البطولة، الدوري في الآخر الأهلي هياخده".
وأردف:"مستعد أقسم على أي حاجة لو بيراميدز خد الدوري واتغرم بأي حاجة، طب أنا أراهنك لو بيراميدز خد الدوري هاجي وأحلق شعري على الهواء مباشرة هنا في الاستوديو".
وأتم :" مكنة عبد الله السعيد وشيكابالا عدت الكيلوهات بتاعتها ولازم يعتزلوا بنهاية الموسم الحالي، ما ينفعش أصلا يفكروا يوصلوا لسن كريستيانو رونالدو لأنهم بيفطروا فول وطعمية وهو بيفطر فطار صحي ".
كورة 3030 - kora3030 مدونة رياضية تهتم بأخبار الكرة المصرية ، الدوري الممتاز ، والناشئين وأخبار نجوم مصر في الدوريات الكبري وعلي رأسهم محمد صلاح ومحمد النني وعمر مرموش وتريزيجيه ومصطفي محمد ، عالمي كما يهتم كورة 3030 - kora3030 بأخبار دوري المظاليم والألعاب الأخري.
إرسال تعليق